തെന്നി മായും മേഘമെല്ലാം വന്നൊഴിയും നേരം
നിന്നെ നോക്കി കണ്ണ് ചിമ്മി താരമായി ഞാനും ...
പുഞ്ചിരിക്കും നീലവാനം നോക്കി നിൽക്കും നിന്നെ
നൂറു ജന്മം പുല്കുവാനായി കാത്തു നിന്നു ഞാൻ .....
അന്നു തമ്മിൽ കണ്ട നേരം നീ കൊതിച്ച നേരം ,
കണ്ടു ഞാനെൻ കിനാക്കൾ നിൻ കിനാവായ് ചേർത്തു,
ഓമനിച്ചു ഞാൻ നിനച്ചു ഓർത്തു വച്ച് എൻ സ്വപ്നം
നി വരുമ്പോൾ നൽകുവാനായി എന്റെ ഈ ജന്മം..
മഞ്ഞു മേഘം കാത്തു നിൽക്കും കുഞ്ഞു പൂവ് പോലെ.
നിന്നെ മാത്രം കാത്തു നിൽക്കും മഞ്ഞു തുള്ളികളായി ഞാൻ.
ചാരെ എത്തും കുഞ്ഞു കാറ്റും നിന്നെ നോക്കും നേരം
നിന്നെ മാത്രം നിന്നെ മാത്രം കാത്തു ഞാൻ ...
നെയ്തു കൂട്ടും സ്വപ്നമെല്ലാം നേരിൽ ആവും നേരം
സ്വർഗ്ഗമിന്നീ മണ്ണിൽ ആണെന്നോർത്തു പോയി നമ്മൾ.
പൂർണ ചന്ദ്ര ശോഭാഷോഭയം നിൻ പുഞ്ചിരിയിൽ മുങ്ങി...
ധന്യമായി നിന്റെ ജന്മം ഓർത്തുനിന്നു ഞാനും...
